Entroido de Samede

"Sempre houbo mellor Entroido en Samede que en ningún sitio!"

Tag: Antroxo

Guía Urxente de Novos Entroidos Ancestrais (Rurais e Urbans)

Guía Urxente para Novos Entroidos Ancestrais ( Rurais e Urbans )

Que é o Antroido / Entroido / Antroxo / Antruido?

É un conxunto de Ritos Pagáns e Panteístas de pasaxe, de fertilidade e propiciatorios da Terra, dos homes, dos animais e dos vexetais.
Non é un disfrace é un Traxe de Antroido. O Antroido é Sagrado e Inviolábel.

Que usar?

Tradicionalmente usaban o que tiñan a man: pelicas ( peliqueiro ), chocas ( choqueiro ), ferramentas de metal, mantóns, chapeaus…

No rural a mellor opción é optar por elementos naturais, con elo contribúese a entendermos mellor o noso medio ambiente e conservalo tal e como o recibimos.

No interior: follas, brión, carrabouxos, landras, cortizos, plumas, etc.
Na costa: cunchas, buguinas, espiñas, algas secas, paos das qrebas, etc.

Na cidade recicla xornais, botellas, caixas, palets, etc.

Recupera o pasado

Investiga e pregunta aos vedraños e petrucios que facían? como? quen? con que? onde?

Xúnguete aos teus devanceiros.

Inventa o presente

Inspírate porén non copies.

Cada Antroido debe ser único.

Procura e fai.

Participa

Para preservar o Entroido compre que o pobo se involucre.
Aínda que non señas natural, cómpre xente que siga a tradición. De seguro estaran moi ledos de que participes, non como sinxelo espectador senón sendo parte activa.

Respeta
Os Antroidos son Sagrados, é dicir intocables, estanlles permitidas cousas que non o estarían fóra dese tempo.
Non se lles pode sacar as máscaras, insultar, tocar, pegar, etc. aínda que eles si poden facelo.
Podes ter que convidalos a comer ou beber.

Síntete orgulloso da túa Terra.

Non comercialices unha tradición. Non participes en espectáculos alóctonos, descontextualizados e mediáticos.

Os individuos transfórmanse temporariamente noutros seres e a comunidade, noutro mundo.

Aínda que hoxe en día as máscaras son os media, a propaganda, a política, internet, a moda, a publicidade, os cartos… que nos fai vivir tamén temporalmente noutros mundos.

O Antroido é un dos poucos espazos de liberdade individual e colectiva.

A Derradeira República da Imaxinación e Arquivo da Memoria Colectiva e Resistencia Identitaria.

Capital cultural interxeracional.

A Tolemia do Antroido serve para darlle senso á propia existencia nun mundo real cada dia menos críbel.

Viva o Antroido.

O Diaño Cichol

dianhocichol@gmail.com

Samede 24-10-2017

Caos – Orde. Pasado – Futuro. Lua – Sol. Inverno – Primaveira. Tristura – Ledicia. Individuo – Comunidade. Mal – Ben. Enfermidade – Saude. Morte – Vida.

Programa Entroido de Samede 2018

Estamos a Recuperar un Entroido Rural Tradicional no

Lugar de Samede San Mamed Parroquia de San Xiao de Vigo Concello de Paderne Bisbarra de Betanzos A Coruña Galicia

Ven e Participa !!!

Veñas de onde veñas es moi benvido a PARTICIPAR

 

30-12-2017 10:00 Bar Beade

Obradoiro de Entroido 1

( materiais, máscara, traxe, enxoval )

07-01-2018 10:00 Bar Beade

Obradoiro de Entroido 2

( materiais, máscara, traxe, enxoval )

11-01-2018 10:00

Chegada de Policarpio

14-01-2018 10:00 Bar Beade

Obradoiro de Entroido 3

( materiais, máscara, traxe, enxoval )

 

Entroido Pequeno

11-02-2018 12:00 Ermida de Samede

12:00 Baixada dos Vixigueiros e Besta dende o Castro de Samede

 

Entroido Farrapeiro

13-02-2018 16:00 Ermida de Samede

16:00 Baixada dos Vixigueiros e Besta dende o Castro de Samede

 

Entroido Grande

18-02-2018 12:00 Ermida de Samede

12:00 Eucaristia Vixigueira e baixada dos Vixigueiros e Besta dende o Castro de Samede

13:00 Muiñeira Cruzada de Samede.

16:00 Xuízo de Policarpio.

 

Bando Antroido Samede

Vedrañas e Petrucios

Dons e Donas

Nenas e Rapaces

Pícaros e Cativas

Aos de Aquém …

e aos do Além.

Pregase veñan vestidos segundo as Leis do Santo Antroido de Samede dictan:

Traxes vernáculos de Antroido tradicional rural.

No caso contrario os Sagrados Vixigueiros zorregaran sen piedade nin compaixón a todos os infractores.

Guía Urxente para Novos Entroidos Ancestrais ( Rurais e Urbans )

Documentación Antroidos Tradicionais

Charles Fréger

Participación e Respecto

Fabricación dos Traxes de Entroido na casa a ser posíbel con elementos tradicionais e naturais

Vale: Mascaras feitas na casa de madeira, cortizo, fariña, engrudo, papel maché, sacos, trapos,pelicas, etc

Roupa vella, sabas, colchas,trapos,farrapos,pelicas,etc.

Elementos naturais , carrabouxos, follas, mimbios, paos,etc.

Non vale: Disfraces mercados , nin chineses, plasticallos, etc.

 

 

 

 

Grazas a:

Miolo
Marisa e Genaro
Vicente da Portela
Pedro de Maceira
Luis Otero
Mercedes Cachaza

Fernando Berani
CASA BEADE
SON DAQUI
ASOCIACION CULTURAL A FULIADA
CAFES LAS CANDELAS
MATADERO FRIGORIFICO DE MONTELLOS
PIROTECNIA ROCHA-AREAS

Dolores Vazquez
Fini Gonzalez
Conchi Gonzalez

E sobor de todo a todol@s @s veciñ@s coulaboradores

Feito por:

Miluca da Moreira Emilia Cagiao
e
O Diaño Cichol

 

© 2018 Entroido de Samede

Theme by Anders NorenUp ↑