Non hai coma recibir o tempo do Nadal con un pouco de humor. E si algo nos caracteriza ós integrantes do Entroido de Samede é a alegría, e o sentido do humor. Así que, con todo o noso cariño, e con poucas “dotes artísticas” pero votándolle moito peito vos deixamos unha panxoliña para que vos vaiades metendo en ambiente.
Ocorreu que por primeira vez a nosa pequena parroquia recibiu a visita doutro Entroido, e non podiamos ter mellor sorte que contar cos nosos grandes amigos “Os Sidros” de Valdesoto (Asturias). Un honor e un auténtico orgullo ter sido os seus anfitrións e poder disfrutar con eles dun día insquecibel. Si aínda podía medrar a nosa ledicia tamén contamos neste día coa compañía de outro referente no mundo da máscara e dos Entroidos; nin mais nin menos que Mercedes Vázquez…